ഇന്ത്യൻ ഓഹരി വിപണിയിൽ വിദേശ സ്ഥാപന നിക്ഷേപകർ നടത്തുന്ന നിക്ഷേപങ്ങളെക്കുറിച്ചുള്ള ഞെട്ടിക്കുന്ന കണക്കുകളാണ് ഇപ്പൊൾ പുറത്ത് വന്നിരിക്കുന്നത്. കഴിഞ്ഞ 11 വർഷത്തിനിടയിൽ വിദേശ നിക്ഷേപകർ ഇന്ത്യൻ വിപണിയിൽ നിന്നും വലിയ തോതിലുള്ള പണം പിൻവലിച്ചതായി റിപ്പോർട്ട് വ്യക്തമാക്കുന്നു. 64 ബില്യൺ ഡോളറിലധികം പണമാണ് വിപണിയിൽ നിന്നും പുറത്തേക്ക് ഒഴുക്കിയത്.
നേട്ടങ്ങൾ ഒലിച്ചുപോയി
ഈ വലിയ തോതിലുള്ള വിദേശ പണം പിൻവലിക്കൽ കാരണം, കഴിഞ്ഞ ഒൻപത് വർഷത്തിനിടയിൽ വിദേശ നിക്ഷേപകർ ഇന്ത്യൻ ഓഹരികളിൽ നടത്തിയ മൊത്തത്തിലുള്ള നിക്ഷേപത്തിന്റെ നേട്ടങ്ങളെല്ലാം ഇല്ലാതായിരിക്കുകയാണ്. അതായത്, കഴിഞ്ഞ പത്തുവർഷത്തെ വിദേശ നിക്ഷേപത്തിന്റെ കണക്കുകൾ പരിശോധിച്ചാൽ വിപണിയിലേക്കുള്ള വരവും പോക്കും തമ്മിൽ വലിയൊരു ശൂന്യതയാണ് ഇപ്പോൾ കാണാൻ സാധിക്കുന്നത്.
വിദേശ നിക്ഷേപകർ കൂട്ടത്തോടെ വിപണി വിട്ടുപോകുമ്പോഴും, നമ്മുടെ നാട്ടിലെ മ്യൂച്വൽ ഫണ്ടുകളും സാധാരണ നിക്ഷേപകരും നൽകുന്ന ശക്തമായ പിന്തുണ കാരണമാണ് ഇന്ത്യൻ വിപണി തകരാതെ പിടിച്ചുനിൽക്കുന്നത്. എങ്കിലും, വിദേശ നിക്ഷേപകരുടെ ഈ തുടർച്ചയായ വലിയ തോതിലുള്ള പിന്മാറ്റം ഇന്ത്യൻ ഓഹരി വിപണിയുടെ ഭാവിയിലും വളർച്ചയിലും വലിയ ആശങ്കകൾ സൃഷ്ടിക്കുന്നുണ്ട്.
കാരങ്ങളേറെ
വിദേശ നിക്ഷേപകർ ഇന്ത്യൻ ഓഹരി വിപണിയിൽ നിന്ന് വലിയ തോതിൽ പണം പിൻവലിച്ച് ഓഹരികൾ വിൽക്കുന്നതിന് പിന്നിൽ പ്രധാനമായും ചില ആഗോള, ആഭ്യന്തര കാരണങ്ങളാണുള്ളത്. അമേരിക്കൻ ബോണ്ട് യീൽഡിലെ വർദ്ധനവും യു.എസ് പലിശനിരക്കുകളും ഉയർന്നുനിൽക്കുന്നതാണ് ഇതിൽ പ്രധാനം. റിസ്ക് ഇല്ലാത്ത അമേരിക്കൻ നിക്ഷേപങ്ങളിൽ കൂടുതൽ ലാഭം ലഭിക്കുന്നതിനാൽ, വിദേശ നിക്ഷേപകർ ഇന്ത്യ പോലുള്ള വളർന്നുവരുന്ന വിപണികളിൽ നിന്നും തങ്ങളുടെ പണം പിൻവലിച്ച് സുരക്ഷിതമായ മറ്റ് ഇടങ്ങളിലേക്ക് മാറ്റുന്നു.
കൂടാതെ, ഇന്ത്യൻ ഓഹരികളുടെ ഉയർന്ന വിലയും വലിയൊരു കാരണമാണ്. മുൻകാലങ്ങളിലെ മുന്നേറ്റങ്ങൾക്ക് ശേഷം ഇന്ത്യൻ വിപണിയിലെ പല കമ്പനികളുടെയും ഓഹരി വില വളരെ ഉയർന്ന നിലയിലായതിനാൽ, വിദേശ നിക്ഷേപകർ ലാഭം കൊയ്യുന്നതിനായി ഓഹരികൾ വിറ്റ് പണം പിൻവലിക്കുന്നു. ചൈന, തായ്‌വാൻ തുടങ്ങിയ മറ്റ് വിപണികളിൽ താരതമ്യേന കുറഞ്ഞ വിലയ്ക്ക് മികച്ച നിക്ഷേപ സാധ്യതകൾ കാണുന്നതും അവർ അവിടേക്ക് ശ്രദ്ധ തിരിക്കാൻ ഇടയാക്കുന്നു.
ഇതുകൂടാതെ, ആഗോളതലത്തിലുള്ള രാഷ്ട്രീയ സംഘർഷങ്ങളും യുദ്ധസാഹചര്യങ്ങളും ക്രൂഡ് ഓയിൽ വിലയിലുള്ള വ്യതിയാനങ്ങളും വിപണിയിൽ ആശങ്ക സൃഷ്ടിക്കുന്നുണ്ട്. രൂപയുടെ മൂല്യത്തിലുണ്ടാകുന്ന ഇടിവും വിദേശ നിക്ഷേപകർക്ക് ഡോളറിലേക്ക് പണം മാറ്റുമ്പോൾ നഷ്ടം വരുത്തുമെന്നതിനാൽ, അവർ ഇന്ത്യൻ വിപണിയിൽ നിന്ന് പിന്മാറാൻ ഇത് കാരണമാകുന്നു.
(Disclaimer: This does not constitute investment advice. Investors are advised to evaluate independently and consult with professional advisors before making any investments in the stock market, mutual funds, gold, or cryptocurrencies.)
