ഇന്ത്യ ലോകത്തെ ഒരു ‘തിളങ്ങുന്ന ബിന്ദു’വാണെന്നും പുതിയ ലോകക്രമത്തില് അടുത്ത ദശകത്തെ നയിക്കുമെന്നും ടാറ്റ സണ്സ് ചെയര്മാന് എന് ചന്ദ്രശേഖരന്. കമ്പനിയുടെ 2023-24 സാമ്പത്തിക വര്ഷത്തിലെ വാര്ഷിക റിപ്പോര്ട്ട് പുറത്തിറക്കുകയായിരുന്നു അദ്ദേഹം.
ലോക സമ്പദ്വ്യവസ്ഥ പ്രതിരോധശേഷി പ്രകടിപ്പിക്കുകയും വലിയ മാന്ദ്യമോ വന്തോതിലുള്ള തൊഴിലില്ലായ്മയോ ഒഴിവാക്കുകയും ചെയ്തെങ്കിലും ആഗോള വളര്ച്ച മന്ദഗതിയിലായിരിക്കുമെന്ന് ചന്ദ്രശേഖരന് നിരീക്ഷിക്കുന്നു. എന്നാല് ആഗോള തിരിച്ചടികള് നേരിടുമ്പോഴും ഇന്ത്യന് സമ്പദ്വ്യവസ്ഥ പ്രതിരോധവും പൊരുത്തപ്പെടുത്തലും പ്രകടിപ്പിച്ചിട്ടുണ്ടെന്ന് അദ്ദേഹം പറഞ്ഞു.
‘ശക്തമായ ബാലന്സ് ഷീറ്റുകള്, ആരോഗ്യകരമായ ബാങ്കിംഗ് സംവിധാനം, അനുകൂലമായ കോര്പ്പറേറ്റ് നികുതി നിരക്കുകള്, അഭിവൃദ്ധി പ്രാപിക്കുന്ന കാപെക്സ് സൈക്കിള്, ശക്തമായ പബ്ലിക് ഡിജിറ്റല് ഇന്ഫ്രാസ്ട്രക്ചര് എന്നിവയുടെ പിന്തുണയോടെ ഇന്ത്യ അടുത്ത ദശകത്തെ നയിക്കാന് ഒരുങ്ങുകയാണ്. ഈ ആഗോള പശ്ചാത്തലത്തില്, പുതിയ ലോകക്രമത്തില് അതിന്റെ പങ്ക് നിര്വചിക്കുന്ന ഒരു തിളക്കമുള്ള ബിന്ദുവായി ഇന്ത്യ ഉയര്ന്നുവരുന്നു,” എന് ചന്ദ്രശേഖരന് പറഞ്ഞു.
ആഗോള തിരിച്ചടികള് നേരിടുമ്പോഴും ഇന്ത്യന് സമ്പദ്വ്യവസ്ഥ പ്രതിരോധവും പൊരുത്തപ്പെടുത്തലും പ്രകടിപ്പിച്ചിട്ടുണ്ടെന്ന് എന് ചന്ദ്രശേഖരന്
യുവാക്കളുടെ വലിയ ജനസംഖ്യ, വളര്ന്നുവരുന്ന മധ്യവര്ഗം, നഗരവല്ക്കരണം, വര്ദ്ധിച്ചുവരുന്ന ഡിസ്പോസിബിള് വരുമാനം എന്നിവയാല് ഇന്ത്യന് ഉപഭോക്തൃ വിപണി വിശാലമായ അവസരം ഒരുക്കുന്നെന്നും അദ്ദേഹം ചൂണ്ടിക്കാട്ടി.
‘ഈ മഹത്തായ അവസരം മുതലാക്കുന്നതിനും ഇന്ത്യന് ഉപഭോക്താവിന്റെ വികസിച്ചുകൊണ്ടിരിക്കുന്ന ആഗ്രഹങ്ങള് നിറവേറ്റുന്നതിനും ഒരു സമ്പൂര്ണവും അതിവേഗം ചലിക്കുന്നതുമായ ഉപഭോക്തൃ ഉല്പ്പന്ന കമ്പനിയായി മാറുന്നതിനുള്ള ഒരു ‘പരിവര്ത്തന യാത്ര’യിലാണ് ടാറ്റ കണ്സ്യൂമര് പ്രോഡക്ട്സെന്നും ചന്ദ്രശേഖരന് വ്യക്തമാക്കി.
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



