ഭാര്യമാർ ഭർത്താക്കന്മാരേക്കാൾ കൂടുതൽ വരുമാനം നേടുന്ന കുടുംബങ്ങളിൽ വേർപിരിയലിനുള്ള സാധ്യത കൂടുതലാണെന്നും, ലിംഗസമത്വത്തിന്റെ പ്രശ്നങ്ങളേക്കാൾ ജോലിയും കുട്ടികളുടെ കാര്യങ്ങളും ഒരുമിച്ച് കൊണ്ടുപോകുന്നതിലുള്ള മാനസിക സമ്മർദ്ദമാണ് ഇതിന് പ്രധാന കാര്യമെന്നും പുതിയൊരു അന്താരാഷ്ട്ര പഠനം വ്യക്തമാക്കുന്നു.
36 ശതമാനം കൂടുതൽ
ഭാര്യമാർ ഭർത്താക്കന്മാരേക്കാൾ കൂടുതൽ സമ്പാദിക്കുന്ന കുടുംബങ്ങളിൽ വിവാഹമോചനത്തിനുള്ള സാധ്യത 36 ശതമാനം കൂടുതലാണെന്ന് സമീപകാല പഠനങ്ങൾ വ്യക്തമാക്കുന്നു. 29 രാജ്യങ്ങളിലായി ഏകദേശം 5.4 ലക്ഷത്തോളം ദമ്പതികളെ നിരീക്ഷിച്ചുകൊണ്ടാണ് ഗവേഷകർ ഈ നിഗമനത്തിൽ എത്തിയത്. പണം കൂടുതൽ സമ്പാദിക്കുന്നത് മാത്രമല്ല, പരമ്പരാഗത സാമൂഹിക ചിന്താഗതികൾക്കപ്പുറം മറ്റ് പല ഘടകങ്ങളും ഇതിന് കാരണമാകുന്നുണ്ടെന്ന് ഈ പഠനം ചൂണ്ടിക്കാണിക്കുന്നു.
പണത്തിനപ്പുറമുള്ള കാര്യങ്ങൾ
സ്ത്രീകൾ കൂടുതൽ പണം സമ്പാദിക്കുമ്പോൾ ബന്ധങ്ങളിൽ അകൽച്ച ഉണ്ടാകാൻ കാരണം ലിംഗഭേദമല്ല, മറിച്ച് ജോലിയും കുട്ടികളുടെ കാര്യങ്ങളും ഒരുമിച്ച് കൊണ്ടുപോകുന്നതിലുണ്ടാകുന്ന കടുത്ത മാനസിക സമ്മർദ്ദമാണ്. പ്രത്യേകിച്ച് കുട്ടികളുള്ള കുടുംബങ്ങളിൽ ഇത്തരം പ്രശ്നങ്ങൾ വളരെ കൂടുതലായി കാണപ്പെടുന്നു. വീട്ടുജോലികളും കുട്ടികളുടെ നോട്ടവും, കരിയറും കൃത്യമായി ബാലൻസ് ചെയ്യാനാകാതെ വരുമ്പോൾ ദമ്പതികൾ തമ്മിൽ തെറ്റിദ്ധാരണകളും തർക്കങ്ങളും ഉണ്ടാകാൻ സാധ്യതയേറെയാണ്.
പങ്കുവെക്കൽ പ്രധാനം
എന്നാൽ, സ്ത്രീകൾ കൂടുതൽ സമ്പാദിക്കുന്നത് കൊണ്ട് മാത്രം കുടുംബബന്ധങ്ങൾ തകരുമെന്ന് ഇതിനർത്ഥമില്ല. പരസ്പരമുള്ള മനസ്സിലാക്കലും ഉത്തരവാദിത്തങ്ങൾ തുല്യമായി പങ്കുവെക്കലുമാണ് ഏത് ബന്ധത്തിന്റെയും വിജയം. വീട്ടുജോലികളിലും കുട്ടികളുടെ കാര്യങ്ങളിലും ഇരുവരും തുല്യമായി പങ്കാളികളാകുകയും പരസ്പരം പിന്തുണയ്ക്കുകയും ചെയ്താൽ ഇത്തരം ബുദ്ധിമുട്ടുകൾ വലിയൊരു പരിധി വരെ ഒഴിവാക്കാൻ സാധിക്കും എന്ന വിശകലനങ്ങളുണ്ട്.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



