ആപ്പിള് ഉപകരണങ്ങള്ക്ക് മേല് ബഹിഷ്കരണം ഏര്പ്പെടുത്തുമെന്ന് പ്രഖ്യാപിച്ച് ഇലോണ് മസ്ക്. ഓപ്പണ് എഐയുമായി ആപ്പിള് സഹകരിക്കാന് തീരുമാനിച്ചതാണ് മസ്ക്കിനെ ഇത്തരത്തിലൊരു തീരുമാനത്തിലേക്ക് നയിച്ചത്. സ്ക്കിന്റെ ഉടമസ്ഥയിലുള്ള കമ്പനികളിലായിരിക്കും നിരോധനമേര്പ്പെടുത്തുക. ഈ വര്ഷം അവസാനത്തോടെ ആപ്പിളിന്റെ ഐഫോണ്, ഐപാഡ്, മാക് കമ്പ്യൂട്ടറുകളുടെ ഓപ്പറേറ്റിംഗ് സിസ്റ്റങ്ങളിലേക്ക് ചാറ്റ് ജിപിടി ഇന്റഗ്രേറ്റ് ചെയ്യുമെന്നാണ് ആപ്പിള് ജൂണ് 10 ന് നടന്ന വേള്ഡ് വൈഡ് ഡെവലപ്പേഴ്സ് കോണ്ഫറന്സില് പ്രഖ്യാപിച്ചത്.
ഈ വര്ഷം അവസാനം പുറത്തിറങ്ങുന്ന ആപ്പിളിന്റെ ഓപ്പറേറ്റിംഗ് സിസ്റ്റമായ ഐഒഎസ് 18-ലാണ് ചാറ്റ് ജിപിടിയെ ഇന്റഗ്രേറ്റ് ചെയ്യുക. അതേസമയം, ആപ്പിള് ഡിവൈസുകളുമായി ചാറ്റ് ജിപിടിയെ ഇന്റഗ്രേറ്റ് ചെയ്യുന്നതിലൂടെ യൂസര്മാരുടെ ഡാറ്റ ചോരുമെന്നാണ് മസ്ക് ആരോപിക്കുന്നത്. എന്നാല് യൂസര്മാരുടെ ഡാറ്റ ട്രാക്ക് ചെയ്യില്ലെന്നും മുന്കരുതല് എടുക്കുമെന്നും ആപ്പിള് പറഞ്ഞു.
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



