സംസ്ഥാനത്ത് സ്വര്ണ വില റെക്കോഡുകള് തീര്ത്ത് മുന്നേറുന്നു. ഇന്ന് ഗ്രാമിന് 20 രൂപ വര്ധിച്ച് 7,160 രൂപയും പവന് 160 രൂപ വര്ധിച്ച് 57,280 രൂപയുമായി. 18 കാരറ്റ് സ്വര്ണ വില ഗ്രാമിന് 15 രൂപ വര്ധിച്ച് 5,915 രൂപയിലുമായി. ഇന്നലെ കുറിച്ച ഗ്രാമിന് 7,140 രൂപയും പവന് 57,120 രൂപയുമെന്ന റെക്കോഡാണ് ഇന്ന് തിരുത്തിയത്. പവന്റെ വില 57,280 രൂപയാണെങ്കിലും മൂന്ന് ശതമാനം ജി.എസ്.ടി, 45 രൂപ ഹോള്മാര്ക്ക് ചാര്ജ്, അതിന്റെ 18 ശതമാനം ജി.എസ്.ടി, പിന്നെ ഏറ്റവും കുറഞ്ഞത് 5 ശതമാനം പണിക്കൂലി എന്നിവയും ചേര്ത്ത് 62,000 രൂപയ്ക്ക് മുകളില് നല്കിയാലേ കടയില് നിന്ന് ഒരു പവന് ആഭരണം വാങ്ങാന് കഴിയൂ.
എണ്ണ വിലയില് ഇടിവുണ്ടായത് യു.എസ് ട്രഷറി ബോണ്ടകളുടെ നേട്ടം കുറയ്ക്കാനിടയാക്കിയതാണ് സുരക്ഷിത നിക്ഷേപമെന്ന നിലയില് സ്വര്ണത്തിന്റെ ആകര്ഷണം തിരിച്ചു പിടിച്ചത്. 10 വര്ഷക്കാലാവധിയുള്ള യു.എസ് കടപത്രങ്ങളുടെ നേട്ടം 4.04 ശതമാനമായി കുറഞ്ഞിരുന്നു. മംഗോളിയ, ചെക്കോസ്ലോവാകിയ തുടങ്ങിയവിടങ്ങളിലെ കേന്ദ്ര ബാങ്ക് തലവന്മാരുടെ അനുകൂല പ്രസ്താവനകളും സ്വര്ണത്തിന് അനുകൂലമായി.
എണ്ണവില കാരണം യുഎസ് കടപ്പത്ര ആദായം കുറഞ്ഞുവെങ്കിലും, യു.എസിലെ സെപ്തംബര് സി.പി.ഐ, പി.പി.ഐ, നോണ്-ഫാം പേറോള് റിപ്പോര്ട്ട്, ഐ.എസ്.എം സേവനങ്ങളുടെ ഡാറ്റ എന്നിവ കണക്കിലെടുക്കുമ്പോള് ആദായത്തിലെ ദൗര്ബല്യം അധികകാലം നിലനില്ക്കില്ലെന്നാണ് വിലയിരുത്തലുകള്.
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



