ഓഗസ്റ്റ് മാസം തുടക്കത്തിൽ തന്നെ വാണിജ്യ എൽപിജി ഉപഭോക്താക്കൾക്ക് സന്തോഷവാർത്ത. രാജ്യത്ത് വാണിജ്യ എൽപിജി സിലിണ്ടറിന് വില കുറച്ചു. 19 കിലോഗ്രാം വാണിജ്യ എൽപിജി സിലിണ്ടറിന്റെ വിലയിൽ 200 രൂപയിലേറെ കുറവാണ് പ്രഖ്യാപിച്ചത്. പുതുക്കിയ നിരക്കുകൾ ഇന്ന് മുതൽ പ്രാബല്യത്തിൽ വന്നു. ഹോട്ടലുകൾ, റസ്റ്റോറന്റുകൾ, കാറ്ററിങ് സ്ഥാപനങ്ങൾ, ചെറുകിട ഭക്ഷ്യവ്യാപാരികൾ എന്നിവർക്ക് ഈ തീരുമാനം നേരിട്ട് ഗുണം ചെയ്യും.
ഡൽഹിയിൽ 19 കിലോഗ്രാം വാണിജ്യ എൽപിജി സിലിണ്ടറിന്റെ വില 209 രൂപ കുറഞ്ഞ് 1,665 രൂപയിൽ നിന്ന് 1,456 രൂപയായി. മുംബൈയിൽ 1,616 രൂപയിൽ നിന്ന് 1,407 രൂപയായും, കൊൽക്കത്തയിൽ 1,769 രൂപയിൽ നിന്ന് 1,560.50 രൂപയായും, ചെന്നൈയിൽ 1,823.50 രൂപയിൽ നിന്ന് 1,614.50 രൂപയായും വില കുറഞ്ഞു.
തുടർച്ചയായ രണ്ടാം മാസമാണ് വാണിജ്യ എൽപിജി സിലിണ്ടറിന്റെ വിലയിൽ എണ്ണക്കമ്പനികൾ കുറവ് വരുത്തുന്നത്. ആഗോള ക്രൂഡ് ഓയിൽ വിലയിലെ ചാഞ്ചാട്ടം, ഇറക്കുമതി ചെലവിലെ വ്യതിയാനം, അന്താരാഷ്ട്ര വിപണിയിലെ എൽപിജി വിലയിലെ മാറ്റങ്ങൾ എന്നിവ പരിഗണിച്ചാണ് എണ്ണക്കമ്പനികൾ എല്ലാ മാസവും ഒന്നാം തീയതി വില പുനഃനിശ്ചയിക്കുന്നത്.
അതേസമയം, 14.2 കിലോഗ്രാം ഗാർഹിക എൽപിജി സിലിണ്ടറിന്റെ വിലയിൽ ഇത്തവണയും മാറ്റമില്ല. സാധാരണ ഗാർഹിക ഉപഭോക്താക്കൾ നിലവിലെ നിരക്കിൽ തന്നെ സിലിണ്ടർ ലഭിക്കും. വിലക്കുറവിന്റെ ആനുകൂല്യം വാണിജ്യ ആവശ്യങ്ങൾക്കായി എൽപിജി ഉപയോഗിക്കുന്ന സ്ഥാപനങ്ങൾക്കു മാത്രമായിരിക്കും ലഭിക്കുക.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



