സംസ്ഥാനത്ത് സ്വർണവിലയിൽ വീണ്ടും വർധന. ഇന്ന് ഒരു പവൻ 22 കാരറ്റ് സ്വർണത്തിന് 1680 രൂപയാണ് വര്ധിച്ചത്. ഇതോടെ ഒരു പവന് സ്വർണത്തിന്റെ വിപണിവില 1,07,440 രൂപയിലെത്തി. ഗ്രാമിന് ആനുപാതികമായി 210 രൂപ കൂടി 13,430 രൂപയിലെത്തി. കഴിഞ്ഞ ദിവസങ്ങളിലുണ്ടായ തുടർച്ചയായ വിലക്കയറ്റത്തിന് പിന്നാലെയാണ് ഇന്നും സ്വർണവില ഉയർന്നത്. ഇന്നലെ 560 രൂപയാണ് ഒരു പവൻ സ്വർണത്തിന് വര്ധിച്ചത്.
ആഗോള വിപണിയിലെ അനിശ്ചിതത്വം, സുരക്ഷിത നിക്ഷേപമെന്ന നിലയിൽ സ്വർണത്തിനുള്ള വർധിച്ച ആവശ്യം, യുഎസ് ഫെഡറൽ റിസർവിന്റെ പലിശനയത്തെക്കുറിച്ചുള്ള പ്രതീക്ഷകൾ എന്നിവയാണ് വില ഉയരാൻ പ്രധാന കാരണങ്ങളായി വിപണി വിദഗ്ധർ ചൂണ്ടിക്കാണിക്കുന്നത്.
അന്താരാഷ്ട്ര സ്വർണവിലയിലെ ചാഞ്ചാട്ടവും ആഭ്യന്തര വിപണിയിൽ പ്രതിഫലിക്കുന്നുണ്ട്. വിവാഹ സീസണും ഉത്സവകാലവും മുന്നിൽ കണ്ടുള്ള ആഭരണ പർച്ചേസ് വർധിക്കുന്ന സാഹചര്യത്തിൽ, വരും ദിവസങ്ങളിലും സ്വർണവിലയിൽ ചാഞ്ചാട്ടം തുടരാനാണ് സാധ്യത. അതേസമയം, സംസ്ഥാനത്ത് ഒരു ഗ്രാം വെള്ളിക്ക് 245 രൂപയും, ഒരു കിലോഗ്രാമിന് 2,45,000 രൂപയുമാണ് ഇന്നത്തെ വിപണിവില.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



