യുപിഐ ഇടപാടുകൾക്ക് ഉപഭോക്താക്കളിൽ നിന്ന് ചാർജ് ഈടാക്കുമെന്ന റിപ്പോർട്ടുകൾക്കിടെ വിശദീകരണവുമായി പേയ്മെന്റ്സ് കൗൺസിൽ ഓഫ് ഇന്ത്യ. യുപിഐ സേവനങ്ങൾ ഉപഭോക്താക്കൾക്ക് തുടർന്നും സൗജന്യമായി ലഭിക്കുമെന്ന് കൗൺസിൽ വ്യക്തമാക്കി. ചെറുകിട വ്യാപാരികൾക്കും യുപിഐ വഴി പണമിടപാടുകൾ സ്വീകരിക്കുന്നതിന് അധിക ചാർജ് ഈടാക്കില്ലെന്നും കൗൺസിൽ അറിയിച്ചു.
യുപിഐ ഇടപാടുകളിൽ മർച്ചന്റ് ഡിസ്കൗണ്ട് റേറ്റ് ഏർപ്പെടുത്താനുള്ള സാധ്യത സംബന്ധിച്ച ചർച്ചകൾക്കിടെയാണ് പേയ്മെന്റ്സ് കൗൺസിലിന്റെ വിശദീകരണം. യുപിഐ ഉപയോഗിക്കുന്നവരുടെ എണ്ണം വലിയ തോതിൽ വർധിച്ച സാഹചര്യത്തിൽ സംവിധാനം സാമ്പത്തികമായി സുസ്ഥിരമായി നിലനിർത്തുന്നതിനുള്ള മാർഗങ്ങൾ സംബന്ധിച്ച് ചർച്ചകൾ നടക്കുന്നുണ്ടെന്നും കൗൺസിൽ അറിയിച്ചു.
നിലവിൽ സാധാരണ യുപിഐ ഇടപാടുകൾ ഉപഭോക്താക്കൾക്ക് സൗജന്യമാണ്. വലിയ വ്യാപാര സ്ഥാപനങ്ങളിൽ നിന്ന് ഭാവിയിൽ MDR ഈടാക്കുന്നതിനുള്ള സാധ്യതയാണ് പ്രധാനമായും ചർച്ച ചെയ്യുന്നത്. എന്നാൽ ഇതിന്റെ ഭാരം സാധാരണ ഉപഭോക്താക്കളിലേക്കോ ചെറുകിട വ്യാപാരികളിലേക്കോ മാറ്റില്ലെന്നാണ് വ്യക്തമാക്കിയിരിക്കുന്നത്.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



