സംസ്ഥാനത്ത് ഇന്നും സ്വർണവിലയിൽ വർധന രേഖപ്പെടുത്തി. ഗ്രാമിന് 35 രൂപയും പവന് 280 രൂപയുമാണ് ഇന്ന് ഉയർന്നത്. ഇതോടെ കേരളത്തിൽ ഒരു ഗ്രാം 22 കാരറ്റ് സ്വർണത്തിന്റെ വില 13,275 രൂപയിലും ഒരു പവന്റെ വില 1,06,200 രൂപയിലുമായി. കേരള ഗോൾഡ് മെർച്ചന്റ്സ് അസോസിയേഷന്റെ കണക്കുകൾ പ്രകാരമാണ് പുതുക്കിയ നിരക്ക്.
ഇന്നലെയും സ്വർണവിലയിൽ വർധന രേഖപ്പെടുത്തിയിരുന്നു. ഇന്നലെ ഉച്ചയ്ക്കുശേഷം ഗ്രാമിന് 110 രൂപ ഉയർന്നതോടെ ഒരു ഗ്രാം സ്വർണത്തിന്റെ വില 13,240 രൂപയിലും ഒരു പവന്റെ വില 1,05,920 രൂപയിലുമെത്തിയിരുന്നു. അതിന് പിന്നാലെയാണ് ഇന്നും വില ഉയർന്നത്. തുടർച്ചയായ രണ്ടുദിവസത്തെ വർധന സ്വർണവിലയെ വീണ്ടും ഉയർന്ന നിരക്കിലേക്ക് എത്തിച്ചിരിക്കുകയാണ്. വിവാഹ സീസണും നിക്ഷേപ ആവശ്യകതയും നിലനിൽക്കുന്ന സാഹചര്യത്തിൽ വിലക്കയറ്റം ആഭരണ വിപണിയെയും ഉപഭോക്താക്കളെയും ഒരുപോലെ ബാധിക്കുമെന്നാണ് വിലയിരുത്തൽ.
പശ്ചിമേഷ്യയിലെ സംഘർഷം വീണ്ടും രൂക്ഷമായതും ആഗോള സാമ്പത്തിക അനിശ്ചിതത്വം വർധിച്ചതുമാണ് സ്വർണവിലയെ സ്വാധീനിക്കുന്ന പ്രധാന ഘടകങ്ങളായി വിപണിവിദഗ്ധർ ചൂണ്ടിക്കാണിക്കുന്നത്. സുരക്ഷിത നിക്ഷേപമെന്ന നിലയിൽ സ്വർണത്തിലേക്ക് കൂടുതൽ നിക്ഷേപകർ തിരിയുന്നതോടെ അന്താരാഷ്ട്ര വിപണിയിലും വിലയ്ക്ക് പിന്തുണ ലഭിക്കുകയാണ്. ആഗോള സ്വർണവിലയിലെ ഈ മുന്നേറ്റത്തിന്റെ പ്രതിഫലനമാണ് ആഭ്യന്തര വിപണിയിലും പ്രകടമാകുന്നത്.
അതേസമയം, സ്വർണത്തിനൊപ്പം വെള്ളിവിലയും ഉയർന്നു. സംസ്ഥാനത്ത് ഒരു ഗ്രാം വെള്ളിക്ക് 245 രൂപയും ഒരു കിലോഗ്രാമിന് 2,45,000 രൂപയുമാണ് ഇന്നത്തെ നിരക്ക്. വെള്ളിവിലയിലും ചാഞ്ചാട്ടം തുടരാൻ സാധ്യതയുണ്ടെന്നാണ് വിപണി നിരീക്ഷകരുടെ വിലയിരുത്തൽ.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



