സംസ്ഥാനത്ത് ഇന്ന് സ്വർണവിലയിൽ നേരിയ ഇടിവ് രേഖപ്പെടുത്തി. കേരളത്തിൽ 22 കാരറ്റ് സ്വർണത്തിന് ഗ്രാമിന് 25 രൂപയും പവന് 200 രൂപയുമാണ് കുറഞ്ഞത്. ഇതോടെ ഒരു ഗ്രാം 22 കാരറ്റ് സ്വർണത്തിന്റെ വില 13,135 രൂപയായും ഒരു പവന്റെ വില 1,05,080 രൂപയായും കുറഞ്ഞതായി കേരള ഗോൾഡ് മെർച്ചന്റ്സ് അസോസിയേഷൻ അറിയിച്ചു.
അതേസമയം, ഇറാനെതിരെ സൈനിക നടപടി വ്യാപിപ്പിക്കുന്ന സാധ്യത അമേരിക്കൻ പ്രസിഡന്റ് ഡോണൾഡ് ട്രംപ് പരിഗണിക്കുന്നതായി റിപ്പോർട്ടുകളുണ്ട്. ശക്തമായ വ്യോമാക്രമണങ്ങൾ മുതൽ ഇറാന്റെ തന്ത്രപ്രധാന കേന്ദ്രങ്ങളെ ലക്ഷ്യമിട്ടുള്ള കരസേനാ നീക്കങ്ങൾ വരെ വിവിധ സൈനിക നടപടികൾ ചർച്ചയിലുണ്ടെന്നാണ് ദി വാൾ സ്ട്രീറ്റ് ജേണൽ റിപ്പോർട്ട് ചെയ്യുന്നത്.
പശ്ചിമേഷ്യയിൽ അമേരിക്ക-ഇറാൻ സംഘർഷം വീണ്ടും രൂക്ഷമാകുന്ന പശ്ചാത്തലത്തിൽ ആഗോള വിപണിയിൽ അനിശ്ചിതത്വം വർധിച്ചിരിക്കുകയാണ്. ഇതിന്റെ പ്രതിഫലനമായി സ്വർണവിലയിലും കഴിഞ്ഞ ദിവസങ്ങളായി ചാഞ്ചാട്ടം പ്രകടമാണ്.
അതേസമയം, സംസ്ഥാനത്ത് 240 രൂപയാണ് ഒരു ഗ്രാം വെള്ളിയുടെ വില. ഒരു കിലോഗ്രാം വെള്ളിക്ക് 2,40,000 രൂപയാണ് വിപണിവില.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



