സംസ്ഥാനത്ത് സ്വര്ണവിലയില് ഇന്ന് വന് കുതിപ്പ്. ഒരു പവന് 22 കാരറ്റ് സ്വര്ണത്തിന് 1,280 രൂപ വര്ധിച്ചതോടെ വില 1,06,880 രൂപയായി. ഗ്രാമിന് 160 രൂപ ഉയര്ന്ന് 13,360 രൂപയാണ് ഇന്നത്തെ വിപണിവില. അതേസമയം, ഇന്ന് വെള്ളിവിലയിൽ നേരിയ വർദ്ധനവ് രേഖപ്പെടുത്തിയിട്ടുണ്ട്. ഒരു ഗ്രാം വെള്ളിക്ക് 5 രൂപയാണ് കൂടിയിട്ടുള്ളത്. ഇതോടെ 240 രൂപയാണ് ഒരു ഗ്രാം വെള്ളിയുടെ ഇന്നത്തെ നിരക്ക്. ഒരു കിലോഗ്രാമിന് 2,40,000 രൂപയാണ്.
ആഗോള വിപണിയിലെ മാറ്റങ്ങളാണ് ആഭ്യന്തര സ്വര്ണവിലയെ സ്വാധീനിക്കുന്നത്. ഇന്ത്യ പ്രധാനമായും ആശ്രയിക്കുന്ന ബ്രെന്റ് ക്രൂഡ് ഓയിലിന്റെ വില ബാരലിന് 80 ഡോളറിന് താഴെയെത്തിയതും വിപണിയിലെ വികാരത്തെ സ്വാധീനിച്ചിട്ടുണ്ട്. അതേസമയം, യുഎസ് ഫെഡറല് റിസര്വ് പലിശനിരക്കില് മാറ്റം വരുത്താതിരുന്നതും സ്വര്ണവിലയിലെ ചാഞ്ചാട്ടത്തിന് കാരണമായ പ്രധാന ഘടകങ്ങളിലൊന്നാണ്. അമേരിക്ക-ഇറാന് സംഘര്ഷത്തില് അയവ് വന്നതിനെ തുടര്ന്നാണ് അന്താരാഷ്ട്ര വിപണിയില് എണ്ണവില താഴ്ന്നത്.
അന്താരാഷ്ട്ര സ്വര്ണവില, ഡോളറിന്റെ മൂല്യം, ക്രൂഡ് ഓയില് വില എന്നിവയിലെ ചലനങ്ങളെ ആശ്രയിച്ച് സംസ്ഥാനത്തെ സ്വര്ണവിലയില് വരും ദിവസങ്ങളിലും ഏറ്റക്കുറച്ചിലുകള് തുടരാനാണ് സാധ്യത.
ഈ വര്ഷം ജനുവരി 29-നാണ് സംസ്ഥാനത്ത് സ്വര്ണവില ചരിത്രത്തിലെ ഏറ്റവും ഉയര്ന്ന നിലയിലെത്തിയത്. അന്ന് ഒരു പവന് സ്വര്ണത്തിന് 1,31,160 രൂപയായിരുന്നു വില. അതേസമയം, കഴിഞ്ഞ ഡിസംബര് 23-നാണ് കേരളത്തില് ആദ്യമായി ഒരു പവന് സ്വര്ണവില ഒരു ലക്ഷം രൂപയുടെ ചരിത്രനാഴികക്കല്ല് പിന്നിട്ടത്.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



