സംസ്ഥാനത്ത് സ്വർണവിലയിൽ തുടർച്ചയായ ഇടിവ്. ഇന്നും വില കുറഞ്ഞു. പവന് 2120 രൂപയാണ് ഇന്നലെ കുറഞ്ഞത്. ഇതോടെ ഒരു പവൻ 22 കാരറ്റ് സ്വർണത്തിന് 1,16,040 രൂപയായി ഇന്നത്തെ വിപണിവില. ഗ്രാമിന് ആനുപാതികമായി 265 രൂപ കുറഞ്ഞ് 14,505 രൂപയിലെത്തി. അതേസമയം, സംസ്ഥാനത്ത് 260 രൂപയാണ് ഒരു പവൻ വെള്ളിയുടെ വില. ഒരു കിലോഗ്രാമിന് 2,60,000 രൂപയിലെത്തിയിട്ടുണ്ട്.
അന്താരാഷ്ട്ര വിപണിയിലെ ചലനങ്ങളാണ് ആഭ്യന്തര സ്വർണവിലയിലും പ്രധാനമായും പ്രതിഫലിക്കുന്നത്. കഴിഞ്ഞ ദിവസങ്ങളിൽ ഡോളറിന്റെ ദൗർബല്യവും യുഎസ് ട്രഷറി ബോണ്ട് ആദായത്തിലെ കുറവും സ്വർണത്തിന് പിന്തുണ നൽകിയിരുന്നു. എന്നാൽ ഡോളർ വീണ്ടും ശക്തിപ്രാപിച്ചതടക്കമുള്ള ഘടകങ്ങൾ പിന്നീട് സ്വർണവിലയിൽ സമ്മർദം സൃഷ്ടിച്ചു.
ഇതിന് പുറമെ, പണപ്പെരുപ്പവുമായി ബന്ധപ്പെട്ട യുഎസ് ഫെഡറൽ റിസർവിന്റെ ആശങ്കകളും സ്വർണ വിപണിയുടെ നീക്കങ്ങളെ സ്വാധീനിക്കുന്നുണ്ട്. കേരളത്തിലെ സ്വർണവില ഇതുവരെ രേഖപ്പെടുത്തിയ ഏറ്റവും ഉയർന്ന നിരക്ക് ജനുവരി 29നാണ്. അന്ന് ഒരു പവൻ സ്വർണത്തിന് 1,31,160 രൂപയായിരുന്നു വില. അതേസമയം, ഡിസംബർ 23നാണ് സംസ്ഥാനത്ത് പവൻ വില ആദ്യമായി ഒരു ലക്ഷം രൂപ കടന്നത്.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



