സംസ്ഥാനത്ത് ഇന്നും സ്വർണവില കുറഞ്ഞു. ഒരു പവന് 600 രൂപയാണ് ഇന്ന് കുറഞ്ഞത്. ഇതോടെ ഒരു പവൻ 22 കാരറ്റ് സ്വർണത്തിന് 1,17,200 രൂപായായി ഇന്നത്തെ വിപണിവില. ഗ്രാമിന് ആനുപാതികമായി 75 രൂപ കുറഞ്ഞ് 14,650 രൂപയിലെത്തി. അതേസമയം, സംസ്ഥാനത്ത് ഇന്ന് വെള്ളിവിലയിലും കുറവാണുണ്ടായത്. ഒരു ഗ്രാമിന് 255 രൂപയാണ് ഇന്നത്തെ വെള്ളിവില. ഒരു കിലോഗ്രാമിന് 2,55,000 രൂപയിലെത്തിയിട്ടുണ്ട്.
ആഗോള സമ്പദ്വ്യവസ്ഥയിലെ അനിശ്ചിതത്വം ഉൾപ്പെടെ വിവിധ ഘടകങ്ങളാണ് സ്വർണവിലയെ സ്വാധീനിക്കുന്നത്. ഇതിന്റെ ഭാഗമായി കഴിഞ്ഞ ഏതാനും ദിവസങ്ങളായി സംസ്ഥാനത്ത് സ്വർണവിലയിൽ തുടർച്ചയായ ചാഞ്ചാട്ടമാണ് അനുഭവപ്പെടുന്നത്. ഇതിനുപുറമെ, അമേരിക്ക-ഇറാൻ സംഘർഷം തുടരുന്നതും ആഗോള നിക്ഷേപകരുടെ ആശങ്ക വർധിപ്പിക്കുന്ന പ്രധാന ഘടകമായി തുടരുകയാണ്.
അന്താരാഷ്ട്ര വിപണിയിലെ ചലനങ്ങൾക്കനുസരിച്ച് വരും ദിവസങ്ങളിലും കേരളത്തിലെ സ്വർണവിലയിൽ മാറ്റങ്ങൾക്ക് സാധ്യതയുണ്ട്. ജനുവരി 29ന് രേഖപ്പെടുത്തിയ 1,31,160 രൂപയാണ് സംസ്ഥാനത്തെ സ്വർണവിലയിലെ എക്കാലത്തെയും ഉയർന്ന നിരക്ക്. അതേസമയം, ഡിസംബർ 23നാണ് കേരളത്തിൽ ഒരു പവൻ സ്വർണത്തിന്റെ വില ആദ്യമായി ഒരു ലക്ഷം രൂപ കടന്നത്.
English Summary
Follow TheProfit.news on Google
Choose TheProfit.news as a preferred source to help find our business and finance news on Google.
Open Google Preferred Sources



