സംസ്ഥാനത്ത് ഇന്ന് സ്വർണവിലയിൽ വർധനവ്. ഒരു ഗ്രാം 22 കാരറ്റ് സ്വർണത്തിന് 105 രൂപ കൂടി, 13,815 രൂപയാണ് ഇന്നത്തെ വില. പവന് ആനുപാതികമായി 840 കൂടി 1,10,520 രൂപയിലെത്തി. ഇന്നലെ സ്വർണവിലയിൽ പ്രത്യേകിച്ച് മാറ്റങ്ങളൊന്നുമുണ്ടായിരുന്നില്ല. അതേസമയം, ഇന്നും വെള്ളിവിലയിൽ മാറ്റങ്ങളില്ല. ഒരു ഗ്രാം വെള്ളിക്ക് 235 രൂപയും, ഒരു കിലോഗ്രാമിന് 2,35,000 രൂപയുമാണ്.
ആഗോള വിപണിയിലെ ചലനങ്ങളാണ് കേരളത്തിലെ സ്വർണവിലയിലും പ്രതിഫലിക്കുന്നത്. രാജ്യാന്തര വിപണിയിലെ സ്വർണവില, യുഎസ് ഡോളറിന്റെ മൂല്യം, യുഎസ് ട്രഷറി ബോണ്ട് യീൽഡുകൾ, പലിശനിരക്ക് സംബന്ധിച്ച പ്രതീക്ഷകൾ എന്നിവയാണ് ആഭ്യന്തര സ്വർണവിലയെ പ്രധാനമായും സ്വാധീനിക്കുന്നത്.
കേരളത്തിലെ സ്വർണവില നിർണയത്തിൽ രാജ്യാന്തര വിലയ്ക്കൊപ്പം രൂപ–ഡോളർ വിനിമയനിരക്കും പ്രാദേശിക വിപണിയിലെ ആവശ്യകതയും പ്രധാന പങ്കുവഹിക്കുന്നുണ്ട്. ഈ ഘടകങ്ങളിൽ വലിയ മാറ്റങ്ങളില്ലാത്തതിനാൽ സംസ്ഥാനത്തെ സ്വർണവിലയും ഇന്ന് മാറ്റമില്ലാതെ തുടരുകയാണ്.
കേരളത്തിൽ ഇതുവരെ രേഖപ്പെടുത്തിയ ഏറ്റവും ഉയർന്ന സ്വർണവില ജനുവരി 29നാണ്. അന്ന് ഒരു പവൻ സ്വർണത്തിന് 1,31,160 രൂപയായിരുന്നു വില. സംസ്ഥാനത്ത് ഒരു പവൻ സ്വർണവില ആദ്യമായി ഒരു ലക്ഷം കടന്നത് ഡിസംബർ 23നായിരുന്നു.
