ആസ്തിയിൽ 8 ബില്യൺ ഡോളറിന്റെ വർദ്ധനവ്; ഏഷ്യയിലെ ഏറ്റവും വലിയ ധനികൻ എന്ന പദവി തിരിച്ചുപിടിച്ച് മുകേഷ് അംബാനി

റിലയൻസ് ഇൻഡസ്ട്രീസ് ലിമിറ്റഡിന്റെ ഓഹരി വിലയിലുണ്ടായ ശക്തമായ കുതിച്ചുചാട്ടത്തെ തുടർന്ന്, ഇന്ത്യയിലെ പ്രമുഖ വ്യവസായിയായ മുകേഷ് അംബാനി ഏഷ്യയിലെ ഏറ്റവും വലിയ ധനികൻ എന്ന പദവി തിരിച്ചുപിടിച്ചു. റിലയൻസ് ഓഹരികളുടെ മുന്നേറ്റം അദ്ദേഹത്തിന്റെ ആസ്തിയിൽ ഒറ്റയടിക്ക് 8 ബില്യൺ ഡോളറിന്റെ, ഏകദേശം 10 ശതമാനത്തോളം വർദ്ധനവാണ് ഉണ്ടാക്കിയത്. ഇതോടെ ഫോർബ്സിന്റെ തത്സമയ ശതകോടീശ്വരന്മാരുടെ പട്ടികയിൽ അദ്ദേഹത്തിന്റെ ആകെ ആസ്തി ഉയർന്നതലത്തിൽ എത്തുകയും, ഈ ദിവസത്തെ ലോകത്തിലെ ഏറ്റവും വലിയ സമ്പത്ത് നേട്ടമുണ്ടാക്കിയവരിൽ അദ്ദേഹം മുൻനിരയിൽ ഇടംപിടിക്കുകയും ചെയ്തു.

ഈ പുതിയ മാറ്റങ്ങളോടെ, ബൈറ്റ്ഡാൻസ് സ്ഥാപകനായ ഷാങ് യാമിംഗ്, അദാനി ഗ്രൂപ്പ് ചെയർമാൻ ഗൗതം അദാനി എന്നിവരെ പിന്തള്ളിയാണ് മുകേഷ് അംബാനി വീണ്ടും ഏഷ്യൻ രാജ്യങ്ങളിലെ ഒന്നാം സ്ഥാനത്തേക്ക് എത്തിയത്. റിലയൻസ് ഓഹരികളിൽ ഉണ്ടായ ഈ പെട്ടെന്നുള്ള മുന്നേറ്റം ഇന്ത്യൻ ഓഹരി വിപണിയുടെയും വൻകിട കോർപ്പറേറ്റ് കമ്പനികളുടെയും സാമ്പത്തിക കരുത്തിനെയാണ് ലോകത്തിന് മുന്നിൽ വീണ്ടും അടയാളപ്പെടുത്തുന്നത്. ആഗോളതലത്തിലെ പ്രമുഖ കോടീശ്വരന്മാരുടെ പട്ടികയിലും ഈ നേട്ടം അദ്ദേഹത്തിന് വലിയ മുന്നേറ്റം നൽകിയിട്ടുണ്ട്.

ഓഹരി വിപണിയിലെ ചെറിയ ചലനങ്ങൾ പോലും അതിസമ്പന്നരുടെ ആസ്തിയെ എത്ര പെട്ടെന്നാണ് സ്വാധീനിക്കുന്നത് എന്നതിന്റെ മികച്ച ഉദാഹരണമാണിത്. റിലയൻസ് ഇൻഡസ്ട്രീസിന്റെ ബിസിനസ്സ് വളർച്ചയും ഓഹരി വിപണിയിലെ മികച്ച പ്രകടനവുമാണ് മുകേഷ് അംബാനിയെ വീണ്ടും ഏഷ്യയിലെ ഏറ്റവും വലിയ സമ്പന്നന്റെ പദവിയിൽ എത്തിക്കാൻ സഹായിച്ചത്. ഇത് ഇന്ത്യൻ വ്യവസായ ലോകത്തിനും നിക്ഷേപകർക്കും ഒരുപോലെ വലിയ ആത്മവിശ്വാസമാണ് നൽകുന്നത്.

ആസ്തിയും, സമ്പത്തും

മുകേഷ് അംബാനിയുടെ ആസ്തിയും സമ്പത്തും പ്രധാനമായും വരുന്നത് അദ്ദേഹത്തിന്റെ മാതൃ കമ്പനിയായ റിലയൻസ് ഇൻഡസ്ട്രീസ് ലിമിറ്റഡ് എന്ന മുഖ്യ ഓഹരിയിൽ നിന്നാണ്. റിലയൻസ് ഗ്രൂപ്പിന് കീഴിലുള്ള വിവിധ ബിസിനസ്സ് മേഖലകളും കമ്പനികളുമാണ് അദ്ദേഹത്തിന്റെ സമ്പത്ത് ഇത്രയധികം ഉയർത്തുന്നതിൽ നിർണ്ണായക പങ്കുവഹി ക്കുന്നത്. ഇതിൽ പെട്രോളിയം, ടെലികോം, റീട്ടെയിൽ തുടങ്ങിയ വൈവിധ്യമാർന്ന വലിയ മേഖലകൾ ഉൾപ്പെടുന്നു.റിലയൻസിന്റെ ഏറ്റവും വലിയ വരുമാന സ്രോതസ്സ് റിഫൈനിങ്ങും പെട്രോകെമിക്കൽസുമാണ്. ജാംനഗറിലെ ലോകത്തിലെ ഏറ്റവും വലിയ റിഫൈനറി കോംപ്ലക്സ് ഉൾപ്പെടെയുള്ള എണ്ണശുദ്ധീകരണ ശാലകളും അനുബന്ധ ഉൽപ്പന്നങ്ങളും കമ്പനിക്ക് പ്രതിവർഷം കോടികളുടെ ലാഭമാണ് നേടിത്തരുന്നത്.ഇന്ത്യയിലെ ഏറ്റവും വലിയ ടെലികോം സേവനദാദാവായ ജിയോ ഡിജിറ്റൽ രംഗത്ത് വലിയൊരു വിപ്ലവമാണ് സൃഷ്ടിച്ചത്. കോടിക്കണക്കിന് ഉപഭോക്താക്കളുള്ള ജിയോയുടെ വളർച്ച മുകേഷ് അംബാനിയുടെ ആസ്തി വർദ്ധിപ്പിക്കുന്നതിൽ വലിയ പങ്കുവഴങ്ങുന്നുണ്ട്. ഇതിനുപുറമെ റിലയൻസ് റീട്ടെയിൽ വഴിയുള്ള സൂപ്പർമാർക്കറ്റുകളും ഓൺലൈൻ വ്യാപാര ശൃംഖലകളും കമ്പനിയുടെ മൂല്യം നിരന്തരം ഉയർത്തുന്നു.റിലയൻസിൽ നിന്ന് വേർപെടുത്തിയ ജിയോ ഫിനാൻഷ്യൽ സർവീസസ് , മീഡിയ രംഗത്തെ പ്രമുഖരായ നെറ്റ്‌വർക്ക് 18 , ജസ്റ്റ് ഡയൽ തുടങ്ങിയ മറ്റ് അനുബന്ധ കമ്പനികളുടെ ഓഹരികളും മുകേഷ് അംബാനിയുടെയും കുടുംബത്തിന്റെയും ആസ്തി മൂല്യം ഉയർത്തുന്നതിൽ പ്രധാന ഘടകങ്ങളാണ്. ഈ കമ്പനികളുടെ ഓഹരി വില വിപണിയിൽ കുതിച്ചുയരുമ്പോഴാണ് അദ്ദേഹത്തിന്റെ ആസ്തിയിലും വൻ വർദ്ധനവ് ഉണ്ടാകുന്നത്.

English Summary